بجد أوفر

من يومين وأنا نزله الكليه بتاع الساعه 8 الصبح كده ولو انت بتسافر هتعرف يعنى ايه انك تنزل الساعه 8 ومدى سلاسه المواصلات ولطافه الجو فى الميعاد ده _ما علينا_المهم نزلت عادى جدا متفاؤله بيومى السعيد أو اللى بتمنى يكون سعيد.
وخد عندك أول معركه نو مواصلات هتقفلك بتاع نصف ساعه كده "واضح انه يوم ظريف فعلا" المهم بعد المعاناه المعروفه ركبت الحمد لله نيجى بقه لموال كل يوم سى البيه السواق عاوز يركب فى الكرسى أربعه سورى يركب ايه اقصد يحشى فى الكرسى
مش موضوعنا هنبقى نتكلم عن الظاهره دى بعدين وصلت الحمد الله الاراضى المنصوريه بسلام ايييييييييييييييييه لسه معاناه السرفيس ولذاذه التباعين طبعا عارفينها المهم وصلت بامان الله اراضى الكليه وعلى البوابه
الامن: الكرنيه يا استاذه
جوه دماغى: من امتى يعنى
لامتتخضوش ما هو مش معقول بعد الهيسه دى كلها ومش معايا الكرنيه طلعت الكرنيه بالفعل وداخله بكل ثقه حقى ولا ايه؟
فرد الامن: استنى يا استاذه هنا كلمينى
أنا ايوه امال انا
احم احم عديها يابت راجل اد ابوكى
نعم فيه حاجه
فرد الامن: عاوز كرنيه السنه دى 2009/2010
طبعا اندهشت جدا يعنى ايه الكلام ده كرنيه السنه دى ازاى اذا كان الكرنيهات اصلا لسه مطلعطش
فرد الامن:خلاص ورينى وصل دفع المصاريف
وطبعا بالكلمه دى بان اللى فيها
حاجه حرقت دمى طبعا مينفعش اسكت
افندم طب ما تبدل كلمه طلعى الكرنيه اللى كلنا عارفينها واللى هيا حقك طبعا مفيش كلام
بكلمه تانيه بقه اللى دفع المصاريف يتفضل يدخل الكليه واللى مدفعش _عفوا_ يورينا عرض كتافه
وبكل سخريه طبعا فرد الامن: اتفضلى يا استاذه مفيش دخول
طبعا مع ازدياد عدد الناس امام بوابه الكليه والشجار مع الامن ازاى يعنى اللى بيحصل ده فتحوا الابواب ودخلونا
ههههههههههههههه كليه بالمصاريف
وخد عندك بقه كل يوم من ده
مش عارفه انا اعطيت للموضوع اكبر من حقه ولا هوه فعلا يستاهل
ربنا يسامحكم على الصبح
-دمك اتحرق على الصبح
-معتش عندك اى قدره على انك تكمل اليوم
-حسيت بقيمه الماده وازاى الناس مبقتش تتعامل الا بالفلوس
الموقف ده قصر فيه جدا منظر لطلبه امام بوابه كليه مش عرفين يدخلو بسبب المصاريف (مدرسه دى ولا ايه)حسبى الله ونعم الوكيل

ماذا بعد؟

فزعت فجأه حينما نظرت الى تاريخ اليوم نعم اليوم هو 2/11/2008 لقد مضت العطله الصيفيه كامله وما يقرب من ربع الترم الاول من الدراسه. نعم كنت غافله تماما فكل هذه الفتره مضت دون شعور منى ربما كان افتقاد للزمن وما يزيد الطين بله أن تلك الفتره مضت دون اى انجاز يذكر.كنت عاهت نفسى باستغلال تلك العطله الصيفيه لتعلم لغه برمجه أو لتعلم جزء ولو بسيط من البرامج الجرافيكيه او سماع جزء لاباس به من محاضرات التنميه البشريه ولكن أسفه فمحصله عملى كل تلك الفتره =0 حتى تلك المدونه والتى اعتبرها من انجازى الصيفى هجرتها تماما ولفتره طويله دون كتابه وان كنت اعلم ان تلك الكتابات لا يقراها كثيرون ولكنها على الاقل بمثابه فضفضه لنفسى.
ماذا بعد؟
مضى ما مضى من الوقت فماذا على ان افعل الان؟

ساعمل بمبدا "لا داعى للبقاء ع اللبن المسكوب" ولكنى لن اكف عن معاتبه نفسى ولومها
سابدا بعمل جاد من اليوم ربما لا يهم الكثير تفاصيله ولكن ساركز على:
1- تعلم الفيجوال بيسك دوت نت
فالبيسك لغتى المفضله والبرمجه هى المجال الذى وجدت نفسى فيه فما المانع للخوض فى تفاصيلها سوى ما يدعى بالكسل سأمحو تلك الكلمه من حياتى فى الفتره القادمه.
2-سأقوم باستعاره بعض الكتب واعود للقراءه ثانيا بعد انقطاع طويل
3-لن اهجر تلك المدونه ثانيا فهى متنفس حقيقى لضغوطى
4-سأهتم بجانب المعرفه فى المدونه وساحاول تقديم معلومات ولو بسيطه فربما تفيد اخرون
سأنطلق من الان وأمحوك ايها الكسل.

قصص القرأن

قصص القران

من البرامج الدينيه الهادفه السنه دى فى رمضان برنامج قصص القران للاستاذ عمرو خالد

بيقدم البرنامج قصص من القران الكريم والجميل فى البرنامج انه بيربط بين القصص القرأنيه وبين أحداث الحاضر الحاليه

كمان البشريه كلها لازم تعرف القران لانه نزل يخاطب البشريه اجمعين

"بدأت أياته "الحمد لله رب العالمين" وانتهت اياته الكريمه "كل أعوذ برب الناس"

البرنامج يذاع ع قناه المحور الساعه العاشره مساءا بتوقيت القاهره

رمضان أيها الحبيب

مع أول يوم صيام فى شهر رمضان لعام 1429 كل عام والامه الاسلاميه جميعا بخير وأعاد الله علينا رمضان بخيره مرات ومرات
عاد لنا بنسائمه الطيبه وعاداته العطره ضيف غالى لم يتبقى منه سوى 29 يوم وشويه ساعات

هتصومو ولا زى كل سنه

هتصومى ولا زى كل سنه
عندما يقربنا هذا الشهر الكريم كنت أسمع تلك الجمله وبمنتهى براءه الاطفال "لا أريد القول سذاجتهم الناعمه" كانت اجابتى وبسرعه "طبعا هصوم" وبتكرار شهر الفضيله وبامتداد الاجل تتكرر تلك الجمله ويتكرر الجواب وتلك الابتسامات الضاحكه ع وجه من يسمع اجابتى. أدركت الان ان تلك الابتسامات كانت تحمل بداخلها دهاء الكبار وروح المزح.....
كل عام وانتم بخير
ننتظر وبعد ايام قليله شهرا جليل أوله رحمه وأوسطه مغفره وأخره عتق من النار.فلندعو جميعا "اللهم بلغنا رمضان".
فلنتأمل الامر. فى حياتنا أشياء كثيره عزيزه علينا وربما تذهب ولا تعد لنا ثانيا فربما تفقد عزيزا لك يذهب ويتركك لكن رمضان يتركنا كل عام ويعود لنا ثانيا حقا انه العزيز العائد.كل ما أريد ان أقوله لك أن رمضان سياتى فى كل عام ولكن هل ستكون فى استقباله انت كل عام.انتهز الفرصه فانت الان تنعم بالحياه ربما لا تستطيع العام المقبل.اذا كان ضيفك كريما فاستقبله بترحاب وترحاب رمضان الالتزام فمبرحا بك رمضان.

بدايتى

النهارده أول بوست بكتبه فى مدونتى من فتره وأنا بقرأ عن التدوين وبتابع مدونات وأخبار لمدونين حبيت أوى فكره ان يكون عندى مدونه احساسى وأنا بكتب أول بوست رجعنى بالذاكره لفتره طويله أوى فكرنى بأول حصه املاء وانت خايف تغلط وانت بتكتب وعاوز تثبت نفسك وتجيب 10/10 نفس الشعور بينتابنى الان مع الفارق ان مع كل حصه املاء بيكون المقيم لى هى فرد واحد مدرستى لكن المره دى أنا بكتب وبعبر عن أفكارى وشخصيتى واللى بيقيم عالم جديد مفتوح يارب أجيب فيه 10/10.